Хэвлэлийн бага хурал боллоо

Нийтэлсэн: 2015 он 03 сар 12. 10 цаг 12 минут
Аймгийн нийгэм эдийн засгийн байдлын 2-р сарын танилцуулгаар хэвлэлийн бага хурал зохион байгууллаа.Хэвлэлийн бага хуралд орон нутгийн "Миний нутаг" , "Зэрэглээт-Алтай", "Алтай " телевизүүд оролцлоо.Нийгэм эдийн засгийн танилцуулга болон хүн ам, эрүүл мэндийн үзүүлэлтүүдийн талаар дэлгэрэнгүй мэдээлэл хийлээ.
Дэлгэрэнгүй

2015 оны 2-р сарын танилцуулга

Нийтэлсэн: 2015 он 03 сар 12. 10 цаг 04 минут
Мал төллөлт: Аймгийн дүнгээр 5.9 мянган толгой буюу төллөх хээлтэгчийн 0.6 хувь төллөж, 5.9 мянган төл 99.7 хувиар бойжиж байна. Мал онд оролт: Мал сүргийн онд оролт 99.96 хувьтай байгаа нь өнгөрсөн оны мөн үеийнхээс 4.9 дахин бага байгаа ба 925 мал хорогджээ. Үнэ: Хөдөө аж ахуйн гол нэрийн бүтээгдэхүүн, малын үнэ сүүлийн сард харьцангуй тогтвортой байсан ба малчдын орлогын зонхилох хувийг бүрдүүлдэг ямааны ноолуурын үнэ түүвэр судалгаанд сонгогдсон Алтай хотод сарын эцэст доорхи ханштай байлаа. Гол нэрийн барааны үнэ сумдад зах зээлийн зайнаас хамаарч харилцан адилгүй байгаагийн дээр аймгийн төвд гурил 1кг нь 1000-1200, сайн чанарын шар, цагаан будаа 2000-2200, элсэн чихэр 1800, ногоон цай 5000-6500 төгрөгийн дундаж ханштай байна. Аж үйлдвэр: Аж үйлдвэрийн салбарт 2 тэрбум 954.0 сая төгрөгийн бүтээгдэхүүн үйлдвэрлэсэн нь өнгөрсөн оны мөн үеийнхээс 540.0 сая төгрөгөөр их байна. Нийт үйлдвэрлэсэн бүтээгдэхүүнийхээ 71.8 хувь буюу 2 тэрбум 122.6 сая төгрөгийн борлуулалт хийгдлээ. Эрүүл мэнд: Аймгийн хэмжээнд 206 эх амаржиж 209 хүүхэд мэнд төрлөө. 1 хүртэлх насны хүүхдийн эндэгдлийн 5 тохиолдол, 5 хүртэлх насны хүүхдийн эндэгдэл 2 тус тус бүртгэгдсэн байна. Халдварт өвчний гаралт өмнөх оны мөн үеэс 21 тохиолдлоор нэмэгдсэн байна. Ажилгүйдэл: 2 сарын эцсийн байдлаар хөдөлмөр эрхлэхийг хүсч бүртгүүлсэн ажилгүйчүүд 1196 болсны дотор 53.4 хувь буюу 639 нь эмэгтэйчүүд байна. Эдгээр бүртгүүлсэн ажилгүйчүүдийн 235 нь дээд, 191 нь тусгай дунд, 478 нь бүрэн дунд, 118 нь суурь, 104 нь мэргэжлийн анхан шатны, 56 нь бага, 14 нь ямар ч боловсролгүй хүмүүс байна.
Дэлгэрэнгүй

Хэвлэлийн бага хурал боллоо

Нийтэлсэн: 2015 он 03 сар 09. 12 цаг 15 минут
2015 оны 1-р сарын Аймгийн нийгэм эдийн засгийн танилцуулгаар хэвлэлийн бага хурал хийлээ.Хэвлэлийн бага хуралд орон нутгийн "Миний нутаг" , "Зэрэглээт-Алтай", "Алтай " телевизүүд оролцлоо.Нийгэм эдийн засгийн танилцуулгаас гадна үнийн индекс, болон гол нэрийн бараа бүтээгдэхүүний үнэ ханшийн талаар дэлгэрэнгүй мэдээлэл хийлээ.
Дэлгэрэнгүй

2015 оны 1-р сарын танилцуулга

Нийтэлсэн: 2015 он 02 сар 24. 10 цаг 25 минут
Мал онд оролт: Мал сүргийн онд оролт 99.9 хувьтай байгаа нь өнгөрсөн оны мөн үеийнхээс 29.1 дахин бага байгаа ба 299 мал хорогджээ. Үнэ: Хөдөө аж ахуйн гол нэрийн бүтээгдэхүүн, малын үнэ сүүлийн сард харьцангуй тогтвортой байсан ба малчдын орлогын зонхилох хувийг бүрдүүлдэг ямааны ноолуурын үнэ түүвэр судалгаанд сонгогдсон Алтай хотод сарын эцэст доорхи ханштай байлаа. Сар I 1 кг ноолуурын үнэ \мянган төгрөг\ 40.0 Гол нэрийн барааны үнэ сумдад зах зээлийн зайнаас хамаарч харилцан адилгүй байгаагийн дээр аймгийн төвд гурил 1кг нь 1000-1200, сайн чанарын шар, цагаан будаа 2000-2200, элсэн чихэр 1800, ногоон цай 5000-6500 төгрөгийн дундаж ханштай байна. Аж үйлдвэр: Аж үйлдвэрийн салбарт 1 тэрбум 438.4 сая төгрөгийн бүтээгдэхүүн үйлдвэрлэсэн нь өнгөрсөн оны мөн үеийнхээс 137.8 сая төгрөгөөр их байна. Нийт үйлдвэрлэсэн бүтээгдэхүүнийхээ 79.2 хувь буюу 1 тэрбум 139.6 сая төгрөгийн борлуулалт хийгдлээ. Төсвийн орлого: Орон нутгийн төсөвт 398.7 сая төгрөг оруулж, төлөвлөгөөг 57.2, улсын төвлөрсөн төсөвт 25.7 сая төгрөг оруулж, аймгийн төсвийн нийт орлого 398.7 сая төгрөг биелэлттэй байна. Хүн ам: Аймгийн хэмжээнд 119 эх амаржиж 122 хүүхэд мэнд төрлөө. 1 хүртэлх насны хүүхдийн эндэгдлийн 17 тохиолдол бүртгэгдсэн байна. Халдварт өвчний гаралт өмнөх оны мөн үеэс 9 тохиолдлоор нэмэгдсэн байна. Ажилгүйдэл: 1 сарын эцсийн байдлаар хөдөлмөр эрхлэхийг хүсч бүртгүүлсэн ажилгүйчүүд 1176 болсны дотор 55.6 хувь буюу 654 нь эмэгтэйчүүд байна. Эдгээр бүртгүүлсэн ажилгүйчүүдийн 244 нь дээд, 187 нь тусгай дунд, 435 нь бүрэн дунд, 145 нь суурь, 97 нь мэргэжлийн анхан шатны, 55 нь бага, 13 нь ямар ч боловсролгүй хүмүүс байна.
Дэлгэрэнгүй

Монгол улсын 3 сая дахь иргэний чацуутнаар Говь-Алтай аймгаас 2 хүүхэд тодорлоо

Нийтэлсэн: 2015 он 01 сар 29. 10 цаг 26 минут
Монгол Улсын “Статистикийн тухай” хуулийн 12 дугаар зүйлийн 3 дугаар хэсгийн 25-д “Улсын хүн ам саяар нэмэгдэх бүрт сая дахь иргэнийг бүртгэн баримтжуулж, Монгол Улсын Ерөнхийлөгчид мэдээлэх” заалтыг үндэслэн Үндэсний статистикийн хороо Монгол Улсын хүн ам 2015 оны 1 дүгээр сарын 24-ний өдөр 3 сая болж, Өмнөговь аймгийн Даланзадгад сумын Баруунсайханы 11-31 тоотод оршин суугч Монгол Улсын иргэн Энхтүвшин овогтой Хатанболд, Ганбат овогтой Аззаяа нарын 2015 оны 01 дүгээр сарын 24-ний өдрийн 08 цаг 27 минутад мэндэлсэн охиныг гурван сая дахь иргэнээр тодрууллаа. Гурван сая дахь иргэнийг манай улсын хүн амын тооны албан ёсны статистикийн мэдээлэл болон Улсын бүртгэлийн ерөнхий газар, Эрүүл мэнд, спортын яамны мэдээлэлд үндэслэн НҮБ-ын Статистикийн хэлтсээс зөвлөмж болгосон стандарт арга, аргачлалын дагуу ил тод, нээлттэй байдлаар тогтоосон. Монгол Улсын гурван сая дахь иргэнтэй нэг өдөр нийт 180 чацуутан мэндэлсэн байна.180 чацуутны дотор Манай аймгаас Есөнбулаг сумын Баянхайрхан багийн иргэн В.Бямбаюу, О.Ганчимэг нарын охин /2015 оны 01 сарын 24-ний 11:41минут/, Бугат сумын Баянгол багийн иргэн Б.Дүгэр, С.Отгонбор нарын хүү /2015 оны 01 сарын 24-ний 12:29минут/ тодорлоо.
Дэлгэрэнгүй

Хэвлэлийн бага хурал боллоо

Нийтэлсэн: 2015 он 01 сар 13. 12 цаг 09 минут
2015 оны 01 сарын 12-нд Миний нутаг, Зэрэглээт-Алтай телевизүүд болон Алтай мэдээ сонин, ТV-9 телевизийн аймаг дахь сэтгүүлч зэрэг нийт 5 хэвлэл мэдээллийн байгууллагууд оролцсон хэвлэлийн бага хуралыг амжилттай зохион байгууллаа. Хэвлэлийн бага хуралд: Статистикийн хэлтсийн даргын үүрэг гүйцэтгэгч Д.Тунгалаг, мэргэжилтэн Ч.Ууганбаяр нар 2014 оны жилийн эцсийн Аймгийн нийгэм, эдийн засгийн танилцуулгаар мэдээлэл хийлээ.
Дэлгэрэнгүй

АЙМГИЙН ЭДИЙН ЗАСАГ НИЙГМИЙН БАЙДЛЫН 2014 ОНЫ МЭДЭЭЛЭЛ

Нийтэлсэн: 2015 он 01 сар 13. 11 цаг 27 минут
Мал аж ахуй: Аймаг мал сүргээ 98.2 хувиар онд оруулж, 821.4 мянган төл 95.9 хувиар бойжуулж, өмнөх оноос мал өсч 2014 оны эцэст 2 сая 578.1 мянган толгой мал, үүний дотор 76.7 мянган адуу, 49.4 мянган үхэр, 32.8 мянган тэмээ, 798.2 мянган хонь, 1 сая 621.0 мянган ямаа тоологдов. Малын нийт тоо өмнөх оноос 354.9 мянга буюу 16.0 хувиар өссөний дотор адуу 11.5 мянга буюу 17.6 хувь, үхэр 9.9 мянга буюу 25.1 хувь, тэмээ 2.4 мянга буюу 7.8 хувь, хонь 119.2 мянга буюу 17.6 хувь, ямаа 211.9 мянга буюу 15.5 хувиар өсчээ. Нийт мал сүргийн дотор ямаа 62.9 хувь, хонь 30.9 хувь, адуу 3.0 хувь, үхэр 1.9 хувь, тэмээ 1.3 хувийг эзэлж, өмнөх оныхоос үхэр, адууны эзлэх хувь 0.1, хонины эзлэх хувь 0.4 пунктээр өсч, харин ямаа, тэмээнийх 0.5 пунктээр буурсан байна. 2014 оны эцэст өмнөх оныхоос бүх сум нийт малаа 5 төрлөөр нь өсгөжээ. Есөнбулаг (30.6 мян), Дэлгэр (29.3 мян), Тонхил (27.2 мян), Халиун (26.9 мян), Жаргалан (24.7 мян), Баян-Уул (24.6 мян) сумуудад малын тоо хамгийн өндөр өсөлттэй байна. Мөн мянгат малчдын тоо өмнөх оноос 47.8 хувиар өсч 266 боллоо. Үүний дотор 2001-ээс дээш малтай өрх 6, 1500-2000 малтай өрх 29, 1000-1499 малтай өрх 231 байна. Оны эцсийн байдлаар 200-аас дээш мянган малтай 2, 100-аас дээш мянган толгой малтай 13, 90-ээс дээш мянган толгой малтай 1, 80-аас дээш мянган толгой малтай 1, 70-аас дээш мянган толгой малтай 1 сум байна. Дэлгэр (213.2), Цогт (207.3), Баян-Уул (185.6), Халиун (181.1), Эрдэнэ (174.6) сум 2014 онд хамгийн олон мал тоолуулж эхний таван байранд орсон байна. Адуун сүргийн тоогоор Хөхморьт, Тонхил, Баян-Уул, Дарив, Халиун сум, үхэр сүргийн тоогоор Бигэр, Халиун, Шарга, Баян-Уул, Цогт сум, тэмээн сүргийн тоогоор Төгрөг, Шарга, Халиун, Хөхморьт, Цогт сум, хонин сүргийн тоогоор Тонхил, Дэлгэр, Баян-Уул, Цогт, Дарив сум, ямаан сүргийн тоогоор Цогт, Эрдэнэ, Дэлгэр, Халиун, Баян-уул сум эхний таван байранд орсон байна.
Дэлгэрэнгүй

Мал тооллогын явцад сумдад хяналт, шалгалт хийлээ.

Нийтэлсэн: 2015 он 01 сар 07. 10 цаг 42 минут
2014 оны 12 дугаар сарын 15-аас 20-ны өдрүүдэд жилийн эцсийн мал тооллогын ажлын хяналтыг хийлээ. Мал тооллогын мэдээллийг батлагдсан маягт аргачлал, заавар, журмын дагуу чанартай гүйцэтгэх талаар бүх суманд тооллогын ажилд оролцох хүмүүсийн сургалт зохион байгуулагдаж шинэчилсэн маягт хэрхэн нөхөх тухай заавар, зөвлөмж өгсөн. Мал тооллогыг үнэн зөв, цаг хугацаанд нь чанартай явуулахад анхаарч мал тооллогын аймгийн комиссын гишүүд, ҮХААГ болон холбогдох мэргэжлийн байгууллагуудын хамт 3 ажлын хэсэг болон зохион байгуулагдаж хяналтын тооллого хийж 220 өрхийг хамруулж мал тооллогын ажлын явцад шалгалт хийлээ.
Дэлгэрэнгүй

  7 хоногийн үнийн мэдээ, Алтай хотод
  /2018 оны 4-р сарын 18-ны байдлаар/
              Нэр төрөл Үнэ /төг/
  Гурил, I зэрэг, кг 1300
  Хонины мах, кг 6000
  Үхрийн мах, кг 6500
  Ямааны ястай мах, кг 4500
  Элсэн чихэр, кг 2500
  Цагаан будаа, кг 2300
  Шингэн сүү, л 3000
  Ноолуур, кг 70000
  Бензин, А-80 1750
  Бензин, А-92 1860
  Дизелийн түлш 2160

 

Хүн ам орон сууцны 2015 оны завсрын тооллогын үр дүн